الدُّنيا دي غريبة جدًا، فيها الحاجة وعكسها، وطبعًا مش بيحصل غير اللي رايده ربّنا سُبحانَهُ وتعالى، ولازم نبقى عارفين إنْ منع ربّنا قمّة العطاء، يعني لما نبقى عايزين حاجة ويحصل عكسها بتدبير اللَّه فده أصوب الصواب، وأكيد الخير في اللي اختاره ربّنا.

كتير جدًا بنتعب ونحزن ونبقى مهمومين، لكن بنعافر وبنسعى وبنزود أملنا لنفسنا، وبنثق في ربّنا وهو سُبحانَهُ لم ولن يُضيّعنا.

سنة عدّت من حياتنا بخيرها وشرّها، درس نتعلّم منه علشان اللي جاي، الحلو نزود منه واللي مش عجبنا ننساه، طبعًا في كُلّ شِدّة ومحنة بيكون في عطاء، وعن نفسي كَمريم قد أعطاني اللَّهُ الكثيرَ والكثير، وسأذكُرُ بعضًا من هذهِ العطايا من بابِ التحديث بنعمةِ اللَّه سُبحانَهُ وتعالى.

رزقني اللَّهُ أخواتٍ صالحاتٍ وعقدَ حُبّهنَّ بقلبي وهُنَّ كذلك، جمعنا حُبّ اللَّه سُبحانَهُ وتعالى، فتآلفت القلوب وآنست الأرواح، وكما أقولها دائمًا: الأرواح على أشكالها تتآلف.

المهم إني عايزة أقول لكُلّ واحدة فيهم بحبّك باسمها ولو عملت كده هيبقى عدد البوستس ف اللمون 🤔

فقلت: إيه رأيك يا مريومة أجمع أخواتي الحبيبات الصالحات كلهنَّ ببوست واحد 🙈

والكلام يبقى موجه لكُلّ أخت ليا بشخصها طبعًا.. فعلى بَرَكة اللَّه.

(حبيبة مريم) 

حبيبة مريم وقلبها

لأجل رَبّي بحبّها

مش شايفة حد زيّها

هي المُميّزة والفريدة

قلبها أبيض وروحها جديدة

يارب لحظاتك كُلّها تبقى سعيدة

اوعي تحزني أو تغضبي

طلّعي اللي في قلبك واكتبي

وعن المُحبِطين اِبعدي

ومن المُبتسمين قرّبي

ولهواية جديدة جرّبي

يا حبيبة مريم معاكِ ربّنا مش هاتتعبي

ابتسمي يا عمري ده الأمل في اللَّه

ثقتك فيه هي حبل النجاة

ابتسمي تبتسم لك الحياة.❣️