عيونك بتشبه الجوزه

تعبان منها وكل ما اشوفها

اروح

الآية ف حضنك معكوسة

بيقولوا مداويه الأحضان.. أما

انتى جروح

كمال العشق ف الرصة

تروى العيون للعيون باصة

والورد يفوح

حديت حوالين القليب ناصية

بتبعد عن حصونه قلوب عاصية

وتينها مدبوح

تقلب مواجعنا وان جعنا

تسد نفوسنا ترجعنا نعيش

المش مسموح

ونبحر ف بحور الدنيا تجمعنا

أمواج السهرة بخيالنا

فى موانى الروح

إن جيتى للحق يا طاهرة

قضينا مع بعض ساعات حلوة

تشفعلك وتبوح

فتشت عليها

 لقيت منها القاعد

ومنها المجروح من حربك

ومنها المسفوح

أنا آسف يا ساحة حصن قليبى

هنعاتب بعضينا واحنا رضينا !!؟

بيد تشوح وتلوح

واتكتفنا بفعل النظرة الساحرة

والسحر الأسود مش أسود من عينها

فبلاش تبصلها.. هتروح