و تعيشی
.
فى سحر الليل و وقت الفجر
نسيت الويل لإنى ف هجر
رميت الحيل على الماضى
و انا المجرم و انا القاضى
أعاتب نفسى و اجلدها
نهايتها أقولى :" ده ربك أمر بالستر"
مع الوضع اللى فات حالى
أنا مالى !!!
بعز الآه و لا الآه دى فاضيالى
لكنى برغم ما انا تايه
دليل سكتی كما البدر
و برغم الوجع يا بلادى
ترابك عشقى و إنشادى
و انا شايل معاكى الغدر
و انا شايك لو صداعى يصيبك
و انا دراعك لو شل طرف بإيدك
عناقيدك...فى عز العصر
نسيت العصر
أهو رايح اتوضا بجار نيلك
و اغنيلك ..تقيدى ف نفسى قناديلك
و الصبر عليا كمان حيلك
وضوئى ف ضوئك ف يوم النصر
و ده نصل ..
بتغرسى ف جرحى سكاكينه
قلبى منك الله يعينه
بتخدعيه!! ما كفاكيشى خادعينه؟
بتغميه !! ما شايفاشى ال خد عينه؟
يشوف بيها جمالك حصر
لكنى بحلف بك .. و مش كدب
هكون لك يوم جراحك طب
و اقطع لسان اللى يطول و يسب
و احفر لخادعينك كمين قبر
و اعيش انا و انتى ف أحلامى
يوم كنتى خدعانى
بتغمزى بعينك و وخدانى
ف سحرك عمر
بقيتى ليه مرات أب
و اعاند قولهم ..دى أم
بتصبى ليه مرارك صب
و تخلى الجهول بيؤم
مع ذلك .. راح اصفالك
معاذ الله بغضى يعم
أنا باغض بعض الكسر
و باتغاضى نزيفى ، تعيشى
و باتراضى فيكى بعيشى
فلو تسمحى لو نويتى تطيشى
خدينى معاكى يا بلادى
أفتكر طيشى
نسيته ف لحظة عدانى و فر
مش عيب عليكى
أعيش جواكى يوم مضطر
و انا اللى ف عز الزهو أزهرتك
و لما جفيتى كنت لك زهر
و عندا ف أعدائك رميت الزهر
و عشت الكفاف قصاد الضحكة ف عيونك
أنا اخونك !!!؟
أموت ف اليوم مليون جوع
"و تعيشى يا ضحكة مصر"
2
-2
