قلب حی

قلبى كبيت قديم ف حضن الجبل

بيطل بشراعه ع المى

يعشق سكون الضلام يتمنى الليل

لكنه بيصرخ للضى

يضحك فتبان سنته ..يحزن كإنها سنته

ويفارق أحباب مالها زى

قليب ابن قلب قوى ع الصعاب

لكنى حاسه قلب نى

ليه الغصون بتتدلل فتزيد الشعاب

وتقيد جواي طريق الغى!!

ألوف حولى..لكنى بسير وحدى

مش وحدى وكإنى بدون خى

لولا العيبة ف بلاد الهيبة لازعق

والصوت يعلى بالأى

أما احنا بنستحسن تعيبنا الضحكة

أما الدمعة ف بيرها الكى

ازاى اتقلب ف كفوف الخوف

وحمول علی كتف يصون الضی

لا ينطق مرة ولا يتململ لو مل

والناس تشوف ويقول مش فى