بخاف علی الناس من السقطة

لا انا محاسب و لا قاضی علی الناس
لكنی بخاف علی الناس من السقطة
بنادی ع الشارد يحاسب
و اموت م الخوف لو الاقی
فی وش ضعيف ملامح الذل و الكسرة
و احب أشوف منادی لخير
بوش بشوش أقول بصرة
أنا عايش كـ أندلسی
بلف زمان و برجع بيه علی البصرة
الله!
ده انا بينكم
و رب الكعبة ما ده دينكم
و لا خوفكم علی بعض خوف نصرة
و انا قلبی كمان منكم
تسحّ دموعی ع الأطلال
و ذنوبی جبال ورا منكم
دنا حالنا إلی الحسرة
و لافة عمامة العلم ع العميان مرتسمة
و مش عميان لكن قسمة
ده روح العلم لم تسمی
بغير النية متصْلة