زمان و احنا لسه صغيرين
ابويا زرع بقلوبنا الحنين
و روى زرعته بحنينه
سنين و سنين
كبر الزرع و في قلوبنا
طرح جدايل
طيبة حنية و فرح
طلع قلبنا قلب واحد
كل اخ على اخوه ساند
و في وش الزمن عفي
قوي و جامد
ابويه اصله راجل حكيم
زرع زرعته سنين و سنين
سقانا محبه و هوى
كانت قلوبنا لبعض دوا
اول ما واحد ينجرح
يلاقي ايد اخوه تنطرح
و تريحه من وجع و انين
ابويا قال ورثكم في
الدنيا لبعض حبكم
خافوا على بعضكم
و كلكم لبعض ساندين
ابويا كانت دعوته
في كل ساجده صاحبته
اننا نفضل سوا
سنين وسنين
وفي ضهر بعض سند
قوة و وتد
واحنا كنا نردد وراه و نقولوا آمين
ابويا اصله راجل حكيم
فهم الدنيا بجد
و حط لكل شيء حد
علشان كده زرع فينا الهوى
و فضلنا مع بعض سوا
متجمعين راضيين
نشكر و نسجد
و ندعي باللمة و السند
قولوا آمين
1
-2
