زمان قالوا ياسادة 

حب الوطن اصلا عبادة

زرعوا فينا الوفا و الدفا

جوه  القلوب

طلعنا من صغرنا بنعشق 

ترابها وما نعرف نتوب 

وان فتحوا لحظة قلبنا 

هيلقوه دايب في عشقها 

دوب

و طبعا بكل الطرق مش 

هيقَدروا ايه جوه القلوب

طلعنا ندعي ربنا يحميها

من المحِن و الفتن

طلعنا نفديها 

بأرواحنا و عمرنا

لو حتى ايه حصل  

مش خسارة شيء فيها

مهما قِست أو لأولادها نِست

هيفضل حبها زي ما اتزرع 

بيكبر مهما حصل 

اصل هي الوطن 

ولا هنلاقي زيها

مهما نلف الدنيا ولا نعرف عن عشقها

لحظة نتوب

يا بهية اشتقنا لشوية دفا

شوية فرح يروي عطش القلوب

يا بهية طبطبي لمي ولادك

و احضني

و لا نقدر نفارقك مهما كان مكتوب

يا بهية وحشنا الفرح

قلوبنا كتير يتنجرح

عاشقين ترابك صبحك و ليلك

هرم و نيلك

و إن كان عمرنا لفرحك تمن

اخترنا علمك كفن

و في حضن ترابك نتدفن

يا أغلى وطن

لقلوبنا من الدنيا سكن 

مفيش غير عشقك على

القلوب .....مكتوب