يا وردة جوه..... صبارة 

مِحاوطك من كل ناحية

         الشوك

علي القَسِية صبااااارة

و بالعة ريقك ..بمرارة

وفيكِ الدنيا محتارة

١٠٠ يوم واخداكِ تحت

و دقيقة بس لفوق

حتى دموعك بيها

طعم..... علقم مُر

ايامك قاسية حالفة

أبداً ما تُمر

لو يقربوا منك

يشوفوا ...شوكك

زمرد ..... حُر

حاسدينك حتى

 ع الدمعة

و في ظلام ليلك

للكل تنوري شمعة

ودموعك تكوي بخدودك

ولا تقولي لحظة الآه

يا وردة والدموع صبار

مهما طال ليلك 

اكيد طالع له نهار

طمني قلبك

ليكِ رب جبار

بكرة يطبطب علي قلبك

و يخاصمك الصبار

تعودي وسط احبابك

و يشم الكون عطرك

وترقص فراشتك الحلوة

لما يعود عبير زهرك

و يغرد الطير غنوة 

يلحنها بحروف اسمك