ومتسألوش الدمع ليه ..متحاش 

كان حلم نبق ..

خساره ليله مجاش 

ماتت خلاص نخوه وأمل ...معقود 

فى رقابى خلق ..

بتنكري.... ببلاش.

متسألوش عيوني على

دمعة ماتت خلاص 

بحلم ببيت ووطن 

وحضن أهلي أساس 

لا عيد بحس بفرحته

ولاقلبي حد شايف دمعته

قلوب قاسية مجحره

ولدموعي جاحدة ومتنكره

فاكره ان دموعي وشكوتي 

في عز خوفي ووحدتي

لرب الكون هاتتضيع 

وتروح بلاش 

يارب انت عارف و حاسس 

بقلب مجروح بيبكي وخايف 

نفسه لحضن أهله ترجعه

نفسه في بيت وسقف 

عنه البرد يحوشه ويمنعه

ياقلوب سودا وعامية

شايفه نفسها بس 

ومسحاني بأستيكة من الدنيا 

مسيري يوم ابتسم ورب الكون 

يعوضني عن كل دمعة وصرخة

في كل دقيقة و ثانية