و ان سألوني عن يوم فيه الفرح يتولد

هقول يوم ميلاد أمي

و ان دوروا في يناير……… عن دفا 

و احتاروا فين يتوجد

هقول في حضن امي 

أمي اصلا سكنت الشمس 

في وشها

و غارت النجوم من ضيها 

منها الشمس بتتكسف

و جمال عيونها ماينوصف

غير بكلمة أمي

و لو احتاروا فين يغيب القمر ؟؟

و فين يكون للطيبة وطن

هقول في وش امي

امي ملاك مش بشر

امي لقلبي اجمل قدر

تسكن ليالي الدفا والسهر

جوه حضن امي 

امي غنوة حب 

مواويل عشق و دفا

لا تتحكي و لا تنوصف 

غير بكلمة أمي

يوم ميلادها يتولد

حب يملي كل القلوب

و لو تقرب يوم منها

عن عشقها ما تقدر تتوب

لو الاقي هدية تكفي حقها

يكفيها عمري …..يا دوب