دُنيا من قساوتها بقت غابة
مليانه ......وحوش و ديابه
عماله بتنهش في الغلبان
و لا قادر حتى يتألم
دموعه محبوسه ف قلبه
سجن ...و ضلوعه سجان
و لا يعرف راحة لو تعبان
ساقية و فيها كده داير
عقله تايه و حاير
عايش بس بستر الله
اوعى تفكرها شطارة منك
ربك ساترها و مدبرها
و لا قوانين العالم تعدلها
هي معادلة موزونه
قواعدها راسية و معلومة
اشقى ...اتعب و الباقى عليه
ورزقك مكتوب و متقدر
و لاحد يحوشه في يوم عنك
اهم شئ بقى انك
ترمى حمولك بجد عليه
ربك كبير ماله زي
يموت الكون و هو حي
وعد و وعده......... أكيد
وعده بس حق
و لا اي شيء غيره يفيد