يا طفل غريب مالوش عازه

سقوك المُر ....في ازازة

كاتم الهم........ ولا تتكلم

عيونك باكية الدم بتتألم

نفسك فرحة.. تمر وتِعَلِم

في كتاب كل سطوره آهااات

ياطفل حزين مالوش عازه

حاسس بطعم المر بمزازه

عيون الخلق كتير ظالماك

ولاحتي في يوم شيفاك

وجعك علي أيام عمرك متقسم

كل همك تشوف الفرح وتنسم

لك في الدنيا رب كريم

يكفيك سؤال عبد لئيم

شايلك فرح مالوش آخر

شاليك رزق متعدوش

بس ابني الحلم وما تهدوش

وكمل واحفر في الدنيا

ولاتدمع .....ولا ثانية

ولاتبص يوم وراااااك

في طاقة نور أكيد جواك

دور عليها وافتحها

وايديك للسما ارفعها

ودموعك يلا امسحها

وناجي..... رب الكون

يارب الخلق ظلموني

نسيوني و بالاستيكة 

مسحوني و رموني

قلوبهم قاسيه و سودة

سوااااااااااد الليل 

يارب افرجها وارزقني

فرج و فرح ورزق جميل

البرد أكل من جسمي رقات

وانا ببكي الدم من سكات

ولا عدت قادر اسمعهم 

ولا عارف علي القسوة 

    أسامحهم 

ياخلق انا مش ابن رصيف

انا طفل قلبي نضيف

بحب الكل وبتألم ولا بقدر

أشكي ولا ..........أتكلم

شوفوا الهم جوايا ...قلبي 

إزاز شفاف من كتر ماشاف

واتحمل ظلام االليل ولا خاف

بس خايف من كدب عيونكم 

وسواد قلب غلب ظلام الليل

خايف منكم ...ولا قارد أسامحكم