بلاش تخدعنا المظاهر

بلاش تخدعنا المظاهر
اللي مستخبي غير اللي ظاهر
الشفايف بتضحك تبتسم
و الفرحة على الوشوش تترسم
بس القلب مليان وجع و بُكا
ولا يوم نعرف نقول الآه
لله بس المُشتكي
في ........سجدة
نطلب العون نطلب نجدة
تقوم عنينا تسيل انهار
ولا فارق ليل من نهار
هتشكي لمين غيره
و كلنا عايشين في نعمه و خيره
ربك كريم بيك حليم
قادر يفرح قلبك
قادر يفك كربك
ادعيه كتير كتير
بيحب عبده اللحوح
لله بس بوجعك اشكي و بوح
و قول يارب يارب
بأمره.....من بعد الصبر جبر
يااااارب يااااارب