أهم حاجة بقت صورة 

لو حتى العدسة مكسورة

الصورة بتكدب تتجمل

و تخلي الواقع اكيد اجمل 

عايشين حياتنا ورا شاشة

بتمسح من عينا اي دموع

بنضحك لو حتى القلب 

     موجوع

بتسرقنا من...... واقع

مليان آهات و مواجع 

وبتزيف و..... بتكدب

علشان نشوف بعين اجمل

عايشين في توهه وزحمة

ماسنجر.... واتس... وفيس 

ولا عاد زي زمان رحمة

جارك تعبان بيتوجع 

ولا تعرف بمواجعه

يدوب بتصبح برسالة

عايش معزول ورا شاشة

تعالى نرجع زي زمان

حقيقة مش بالاسم

نعيش روح واحدة 

في اكتر من جسم

نمسح عن بعض دموعنا 

والوجع على الكل يتقسم

يقوم ينزل خفيف و لا يتحس

والفرح نعيشه يا خلق بجد

قلوبنا عطشانه للفرحة

فرحة مالها ياناس حد

نلمس بادينا مع بعض الارض

نتجمع تحت سقف بيت 

         واحد

من غير آهات و مواجع 

نرزع حب.. يطرح فرح 

     و سعد