شوية رتوش على الوشوش 

بتداري …..الملامح

الفرح مرسوم على الوجوه

و الحزن جوه القلب طارح

القلب تعصره ينزل وجع

و قدام الخلق أجدع …جدع 

وربنا بس باللي جوه القلب عالم

ضحكة بتخبي الوجع 

و بتخلي الناس فينا تنخدع

وتفتكر ان القلب مخاصم البكا

و لرب العباد بس المشتكى

هو اللي بالقلوب حاسس و عارف

يا ابن آدم اوعى تشتكى ف يوم للعباد

خلى دمعك صديق سجدتك

يغسل قلبك ينور سكتك 

و احكى و قول واوعى يوم منه تنكسف

بين كاف و نون كل صعب ينكشف 

و يتحول بس بقدرته

احنا عبيده في كونه و دنيته 

ربك كبير وهو بس عالم شكوتك 

قادر ينور طريقك 

يمسح دمعتك 

و ان كان في يوم الدنيا عندتك

قول يارب ….يارب

هو بس عارف شكوتك

قادر يداري جرحك 

قادر ينور سكتك