سامحيني يا امه

دقيت.... باب امك النهارده؟؟؟
اطمنت........... بسرعة عليها
بردك................. لسه فاكر
انها عفية............... قوية
في وش...... الزمان تعافر
طيب كنت اقعد حَبة ريحها
كنت اسأل ع اللي جارحها
كنت اشبع حبة......... منها
طيب كنت ملس بيدك عليها
و امسح الدمع اللي جوه عنيها
طول عمره عنك....... مستخبي
بتقول : مقدرش يشوفه قلبي
طول عمرك القلب اللي واجعها
و خايفه من الدنيا عليك
صحيح عُمر دمعها ما شفته
ما هي بتخبيه من عنيك
خايفه تنشغل لحظه بيها
وتحس الوجع اللي ما ليها
واهوه اديك جيت النهارده
بتعمل واجب عليك
مستعجل... عاوز بسرعة تجري
: عامله ايه؟؟؟
:حلوه يا امه؟؟
: ادعيلي يا غالية.. معلش متاخر شوية
ما تتاخر ايه جديد!
طول عمرك مشغول بالدنيا عنها
طول عمرك ما بتعرف وجعها
شايفها أسطورة ست من حديد
طيب باليل فوت فجأة عليها
و اسمع بودانك صوت جدرانها
اسمع صوت وجعها
هتلاقي نواحها بيزيد
بتفكر:
ليه يا ابني ياترى!
وخداك الدنيا مني
شغلاك كده عني
__
خد بقى مني الخلاصة
اهرب من الدنيا جوه حضنها
اعترف انك حته منها
لولاها ما كنت رح تكون
قولها : حقك عليا
بصي يا امه في عنيا
هتعرفي انك كل اللي ليا
إعتذر عن لحظه عنها بعدتها
إعتذر عن دمعة كنت أصلها
و الله الدنيا كلها فدا حضنها
تهون
قولها : سامحيني بعدت عنك
: بس عارف يا امه انك
: أصل الحب و الحنية
: في كل الكون