و أدي عقارب الساعة بتعلن .....

ابتداء يوم جديد...... 

و انت يا ابن آدم زي ما انت

قولي ...ايه عن امبارح يزيد؟؟؟؟

عمال تعاند في الزمن

و تعمل أزمة و فتن 

عمال تجرح في القلوب 

و تكسر خواطر 

و ع الغلبان تدوس 

و ناسي انها متر في متر

و توب 

و هتمشي زي ما جيت من غير جيوب

الدنيا بتديك كل يوم دروس 

و لا يوم بتتعلم

و لا يوم بتتغير 

صدقني .....شيء يحير

دي رحلة ما لها ميعاد

خيرك بس باقي ...أحلى زاد

على قد ما تقدر خد معاك

أكيد .... هناك 

ربك غفور ....يغفر ...يسامح

راقب العقارب كل يوم

صح ...النوم

اليوم ...ثواني

و ولا انت فاهم ولا حتى داري

الزمان بيجري

عِد ....الخطاوي

الحق ..نفسك و راجع حسابك

انت ........وحدك 

عملك بس هو زادك