و فجأة تلاقي روحك وحدك

كل اللي حواليك اتحول ضدك

كل الكون سابك............. باع

كله ????عيونه.... بس بتكدب

كله بقى...... زيف وخداع

والدمع في عنيك اتحجر

لا قادر يمشي ولا عارف ينزل

مخنوق.... مصدوم مش قادر

افتكر ان ربك طبعا قادر 

في لحظة يفرح قلبك 

يرويه حب يطرح خير 

ما هو رزقك مش بس 

        فلوس 

صدقني رضى النفوس 

اجمل رزق...... اكبر كنز

فرح روحك بس بنفسك

متستناش حد يِحِسَك

امسح دمعك بس بايدك

ولا تستنى مسحة غيرك

صدقني بكرة.... هتقدر

تتعكز على روحك وحدك

و تطبطب علي وجعك

اتوكل بس على الله

كل جميل صدقني 

هتلقاه

سامح...... طبعا لو تقدر

وادعيلهم بالخير قلوبهم

تتعمر

هتلاقي الدنيا بقت حلوة 

والحزن..... للفرح اتغير