متغرب في بلاد الله
بيدور على لقمة عيشه
شال عمره ووجعه والآه
علي ......كتفه
وفي......... جيبه
باسبوره و فيشه
وعيون الخلق مش سيباه
عماله من همه تزيده
حسدينه على كام ملطوش
و لا شايفه عمر ما عاشوش
وكام عيد قلبه ما حسوش
متغرب بيقول الآه
ولا حد يا خلق حاسس بيه
حسدينه علي هم ماليه
و يقولوا عمل كام؟؟؟؟
ما شافوش فرحه مخاصمه
و حزنه ....في يومه مقاسمه
سافر و ما فاتش...غير اسمه
على باب بيت.... متشوق ليه
جدران البيت يوماتي بتسأل
وفاكره صاحبنا عنها بيتقأل
ولا حد يا خالق حاسس بيه
فات أهله والحلم..... ندهله
راح سافر كان ......متهيأله
هيرجع بعد سنة...... أمير
ولا يعرف ان السنة عدت
وسنين كتير.......... جابت
و سنين.................. ودت
وأهوه لسه سكينة حلمه
واخداه ...و...ضاحكه عليه
و لا حاسس بسنين عمره
عماله بتهرب من جنبه
والحلم لساه سارح بيه
متغرب دفع عمره
ولا حد داري بأمره
حسدينه يا خلق على ايه ؟؟؟؟
روحوا شوفوا كام سنه عدت
وكام فرحة وكام ضحكة
ضاعت في الغربة عليه
متغرب في بلاد الله
وعيون الخلق مرقباه
روحوا شوفوا من عمره
الغربة سرقت ايه!!!!