مرة ….أعيش

ان اللي ضاع العمر من ايده

و ايه يفرق ؟؟؟

ايه يفيده ؟؟؟

عايش مسجون 

و السجان روحي

عايش مقهور 

حزين ….مكسور 

جوه قفص من غير سور

عايش خايف من كلام الناس

ميزان حساس لعيونهم

و عيونهم كرابيك جارحه 

و لا ترحم

مهما اقول …انا معذور

مفيش فرصة ترضيهم

انا منهم …….انا بيهم

ساكنين جوه حالي

و انا مالي ؟؟؟

عاوز ……،،اعيش

عملت حساب اوي لكلامهم

حاولت كتير أرضِيهم

تاهت روحي جوه أراضيهم

دخلت جوه متاهه

خدت روحي نداهه

وضاع العمر من ايدي 

و انا لسه بجرب أرضِيهم

و لا مرة نجَحِت لي محاوله

انا والله 

مسكين ….مش عارف انا مين

و فين حلمي

انا…….. اللي 

شغلت روحي بكلام الناس 

و عملت لهم روحي مداس

و في الاخر نسيت نَفسي

وكل اللي كان …..نِفسي

مرة …………أعيش