عم رجب راجل غلبان و طيب 

ومن ربه ياخلق قلبه قريب

عم رجب كل يوم بيصلي

ومن الفقير باله..... يخلي

و لا عمره قصر و لا عمره غـيب

عم رجب قلبه دهب ومن ربه 

قريب

عم رجب لقي مراته هنيه حالتها

كده مش هي !!!!!!!!

قام أتوضا ومسك راسها وقرالها

الصمدية

وقالها شدي حيلك واجمدي زي 

ما عودتيني منك يا هنيه طول 

عمرك كده قويه..... و.....عفيه 

اصل عم رجب صلته بربه قويه

قامت بكت مراته وحكت : 

ولدك حسنين مخاصم أخوه حامد

قالها قولي كده.....

علشان كده بالك مغيب

قالها قومي يا هنيه هاتي لقمه وحبة

ملح... ونادي للولد دي قعدة.... صلح 

قام عم رجب جمع بيده حزمة حطب

وقال لولاده شايفين ياولد كل عود 

في ظهر أخوه سند جامد شديد زي

الوتد 

شَدِّين صلب بعض ولايعرفوا فرقة

ولا قلوبهم تعرف ......معني بُعد

كل عود للي جمبه ساند زي كده

حسنين ......وأخوه......... حامد 

ولاد رجب قلوبهم حنينه قلوبهم دهب 

قام حسنين وحضن أخوه حامد وشد 

يده وبكي بصوت جامد وقاله طول 

عمري في ظهرك ياخوي وتد مهما 

الدنيا تميل افتكر انك علي اخوك ساند

هو كده عم رجب قلبه مليان حب ورضا

وعلي القليل يبوس يده ولربه حامد

قال لولاده ميراثكم في الدنيا حبكم 

وفرحتي لما أشوف كل واحد لأخوه 

ساند.... سامع يا حسنين انت وحامد

عم رجب أبو قلب طيب..... ولا عمره

دخل مدارس.... ولا ......عمره اتعلم 

بس لسانه بينقط عسل ولا يعرف غير

بالحكمة والخير يتكلم وادينا أهوه

كلنا منه بنتعلم... ويا... سلام سلم