وحشتني ليالي زمان

وحشتيني ليالي زمان واللمة

و طاقة امل جوه …..القلب

تنور اي ضلمة

وحشتني ضحكة 

من القلب طالعة

تداوي اي جرح

 و تمسح كل دمعة

وحشتني لمه على صينية

و لقمة على القلب هنية

و بيت يجمع الحبايب

و يسع منهم…… مِيه

و قعدة في ليالي البرد

مع كوباية …….شاي 

ودفا طالع من القلب

و لا تسأل …ليه و..ازاي

يرجع أجمل ذكريات الروح

ويرجع قلوبنا تاني …حية

وحشوني حبايبنا 

شغالهم ليه الدنيا

و وخداهم بقوا …..اغراب

بقالنا سنين و سنين 

لا شفناهم و لا دقوا علينا الباب

وحشني دفا قلوبنا في اللمة

و وجعني اوي غيابهم

يا ترى ايه عني شاغلهم

مش لاقية غير 

دوامة الدنيا اعذار تانية

وحشوتني لمتنا 

و ضحكة قلب خاصمتنا

من يوم ما الدنيا خدتنا

و لا سابتنا لروحنا ولا ثانية

وحشتني ليالي زمان

و نومة هادية

و دار أمان

ترجع لنا تاني روحنا

و تداوي جرح قلوبنا