رُوُح و سافر بالسلامة

بس أُوعَى الغربة تطول

ما انت سايب أحلى

إشارة و علامة 

تخلي الدنيا تتهون

جوه حضني حته منك

كل ما يكبر ويقول يا ماما

الحزن يهون ....يتلون

صدقني حته منك

هي ...هي نفس الملامح

هي طبعا يا قلبي ملامحك

هو انت بشحمك ولحمك

حتي........... الاسامي 

اسمه بيكمل باسمك

مش حتة واحدة 

دول.......... تلاتة

حلويات سكر نباتة

بيحلوا مُر حياتي 

هما اصحابي واخواتي

كل يوم اسجد أصلي

أدعي رب الكون يخلي

ويبارك يا عمري فيهم

يكبروا و يبقوا سندي

مقدرش أكمل لوحدي 

دول عكازي وضهري

وعنيا اللي بشوف بيهم

ربي يرعاهم يصونهم

قوتي بخدها منهم

وبقف في وش الكون عفية

دول روحي ...دول عنيه

روح و سافر 

بس حاسب يتسرق العمر مِنا

عاوزاك يا عمر جنبي

أوعاك الغيبة تطول

عرفت ايه عن بعدك صبرني 

كل ما ابص في عيونهم

اشوف عيونك أفتكرهم

الاقي أيديهم في ايدي

هما فرحي هما عيدي

اوعي يا سنين الغربة تزيدي

روح و سافر بالسلامة

جوه حضني حتة منك

بتناديني و تقول يا ماما

أحلي بشارة وعلامة

ان الدنيا....... لسة 

كل صعب فيها

مسيره .....يعدي