لقيتها ..سرحانه..وشارده
وعلي جنب كده لحالها واخده
بس برده في عيوني
أحلي ...........وأغلي....... وردة
قلتلها يا امّه ..............مالك
أحكي... قولي
مين شغل.... يا غالية بالك؟؟
قالتلي.... تصدق..... النهاردة
عديت الخمسين وفوقيهم
كمان ستة
قولتلها دا اللي شاغلك !!
علشان كده يا امّه ساكته
والله كل ماتكبري بشوفك
يا امّه بشوفك أحلي.... وأحلي
عناقيد دهب كل يوم بتزيد و تغلى
قلبك مهما كبر يا امّه
هيفضل زرع أخضر
طفل طيب بيسامح ويغفر
ولاَّ .....وشِّك...
أقول الحقيقه ولاَّ اغشك؟؟؟؟
نهر فيه الخير بيجري
فاكره كبرتي ههههه
يا امّه قومي لسه بدري
عمرك شفتي دهب يوم ....بيرخص
عمرك كده كل يوم عندي .....أغلي
كنز غالي عمره يا غالية ما يخلص
ضحكتي..يا امّه
ولا تكوني زعلانه من الشعر الأبيض!!!
دي جدايل فضة يا امّه
يرويها خضار عيونك وطيبة ملامحك
دا أنتِ الغالية. أنت قلبي ونور عنيه
قاعدة ساكتة علشان فات
خمسين وفوقيهم لسه ستة
طيب عقبال ما تعيشي
يا امّة وتشوفي أحفادك
حواليكي دستة
فرحانين متجمعين
مالين عليكي الدار فرح وهنا
دا العمر يا امّه عمره ماكان بالسنين
العمر بفرح القلب الأخضر
وما يزودوش غير القلب الحزين
دا القمر كل مايكبر
بينور.....الدنيا أكتر
كل سنة وأنتِ غالية يا امّه
فرحانة وطيبة.... ضحكتك
من القلب طالعة
قومي يلا وطفي
أحلى....وأغلى .... شمعة