عداد العمر فلت من يدي

اقول اهدى يقوم يجري

سنين محسوبة عشناها

ولا نعرف ازاي قضيناها

عايشين حياتنا كده 

      في توهه

معدودة علينا محسوبة

كام.... خطوة مشيناها؟ 

كام ضحكة ضحكناها؟ 

كام دمعة........ بكيناها؟ 

عدت جري ولا.... ندري

زي المية كده في كفي

سنين من عمري زي القطر

عمالة تلف........ وبتجري

مش لاحقه افوق من حلمي

لقيت العمر....... بيعاند

انادي علية ولا سامع

بيقولي يالا نتسابق

نشوف مين هيوصل الاول

ضحك عليا في ثانية

كنت فاكراها حلوه الدنيا

لقيتها كدابة و بوشين

تمشي معاها تاخدك..

 متعرفش..... لفين؟؟؟ 

ماشية مع العمر زي القطر

ربك بس يكملها علينا بالستر

ونعيش.... ايامنا في راحة

مش عارفه ازاي بصراحة

بس بدعية و بتوكل

وكل خطوة بمشيها

بستر الله على طول تكمل

عداد العمر ياناس زي القطر

اكيد ليه أخر في محطة 

يارب ارزقنا الحُسنى

و ديمها علينا يارب بستر