بص يا إبني 

حالك بقي مش عاجبني 

عمال بتبني عمال تعلي 

شاغل بالك بالدنيا تملي 

واللي جاري واللي حاصل 

واللي راجع واللي هاجر 

واللي مات واللي عايش

عمال بتزرع في أرض غيرك

عايش متغرب 

توزع علي الغريب خيرك 

وسيايب ولادك !! 

اللي هما في الدنيا زادك 

روح وأسس 

علم و كبر 

علمهم تبقي قلوبهم جريئة

وريهم فين الحقيقة

صلي وهلل صلي وكبر 

علي دينك دايما يلا دور 

علمهم بس المبادئ

علمهم كل الحقايق 

فهمهم 

دينهم هو حياتهم 

يحميهم لحد مماتهم 

ماتشغلش بالك أوي 

كده بالدنيا 

كلها دواير جوه بعض

شغاااااالة و دايرة 

ومهما حاولنا نفهمها 

هاتفضل عقولنا بس حايرة 

كلمة أخيرة إزرع في ولادك 

دايما كل خير 

يوم هاتحصد ثمرة زرعك 

تتلون الدنيا بفرحك 

وتلاقي فيهم دوا 

لكل حزن جارحك 

دنيا منهية وفانية 

إفرح وحب

في كل ثانية

وسامح وعدي 

وللصعب هدي 

تلاقي حياتك

حلوة وجميلة

بس إزرع بس فيهم 

مبادئ ديننا 

وتقاليدنا الأصيلة

واتوضا وصلي 

وادعي ربك بالهداية 

كل ليلة