مين بيطبطب .....مين بيدادي؟؟؟

مين يتحمل غضبي و عنادي؟

مين ضحكة عينه بتصلب عودي

هو أصلي جذوري و جدودي

واخده منه اسمه و شبهه

واخده منه طيبة سيرته

غيره أبويا حبيبي و بس 

حنية قلبه ❤️ من الدنيا تتحس 

بكلمة منه بدوس على الأرض 

كلي ثقة ولا بنهد

أمشي أي طريق لآخره

عنيه قنديلي و دليلي في توهتي

لمسة ايده دوا لجروحي 

هو حبيبي وقلبي وروحي 

أبويا في كفة....و العالم كله في كفة

كفة.... أبويا طبت ....وفت

فيها حياتي وحلمي و عمري

أبويا حبيبي شمسي و قمري

فيها حكايات كتير عشناها 

هو أميري و أنا أميرته

كنزي منه اسمه و شبهه

برفع راسي اني بنته

بحكي و أقول أنا بنت حبيبي 

فخر و عزه ومين قدي؟؟

يا جبال ⛰️ الدنيا..... اتهدي

و سيرت ابويا تفضل باقية

و كُتب التاريخ يخلد قصصه

بحبه و مش قادره أوصف

مجنونه بيه و مين أدي؟؟؟؟

أبويا حبيبي يوزن الكون

بعقله وقلبه وروحه الحلوة

و سنين تيجي و تودي

و هو حبيبي شمسي وقمري

سيرت ابويا تعزف غنوة

كنزي من الدنيا شبهه و اسمه