انا …..مين

انا اللي مقسوم اتنين

نص بيضحك …

و التاني حزين

انا الغرقان و انا على البر

مش عارف خير و لا شر 

انا التايه من نفسي

عايش على امل نتلاقى

عايش بدور في طاحونة

دنيا قاسية سراقة 

واخده روحي مني

من غير لا إذن و لا مؤاخذة 

أفتح عيني احلم بنورها 

الاقي قدامي الضلمة

انا اللي ضاعت مني سنين عمري

عايش محتار كده ف أمري

ولا شئ في الدنيا بيتغير

كل أمورها كده تحير

بتروح روحي وترجع في سجدة

اشكي لرب العباد همي 

ودمعة تجري على خدي

تغسل ليل طويل ضلمة

الاقي شمس كده تنور

امشي وانا مغمض على نورها

بلاقي روحي هنا بس

على سجادة و سبحة

بعد ما كانت خُطايا

في الكون ….،،سارحة

و ادعي رب الكون يهدي

روحي اللي في ملكوته تايهه

و الاقي حصاد عمري

سنابل قمح و خير طارحة