المصري

ولا بيبان

ولا بيبان غير وقت الجد

سد قوي ........ولا ينهد

في الشدة صالب عوده 

بيقويه سجادة وسبحة

ساجد راكع بيدعي بقلبه

ياااااااااااااارب 

هو المصري طبعا حصري

في عز وجعه خوفه وألمه

تضحك عينه ينور وشه 

جامد قلبه بيك يارب 

عارف انه نصيبه هاياخده

و المكتوب بس ها يحصل

ايدي في ايدك نرسم 

ضحكة نلون فرحة 

رب الكون بالفعل حامينا 

و بكتابه تنور ليالينا

صلي و كبر يلا استغفر 

ادعي يا أمه وانتي ساجدة

خلي قلوبنا تفضل جامدة

ايدي في ايدك يلا يا اخويا

بيتي بيتك والله ياأخويا 

بس تشاور بس تأشر 

ساكت ليه يا أبويا مكشر 

دا المكتوب خلاص متقدر

أرفع راسك عرفت تربي 

ولادك ايد واحدة و عزة 

          ربي 

وقت الجد كتفي في كتفك

ساندك قلبي و بدعيلك ربي

تفضل جامد واقف جنبي

أزمة و غمة ومسيرها تعدي

ويجي رمضان

يفرح قلبي وقلبك 

الله أكبر..... الخير يكتر 

يلا نصلي ونفتح بيوت

ربي 

الله أكبر بكره ها نفرح 

أزمة وغمة مسيرها تعدي

ولا بيبان غير وقت الجد

سد قوي ولا ينهز ولا ينهد 

هو المصري طبعا حصري

بس بقلبه بيبكي ويقول 

ياااااااااارب نجينا 

وفك الكرب 

ياااااااااااارب 

ياااااااااااارب

♡ بقلمي/ مي ابراهيم القاضى ♡