و دق باب بيتنا تلات دقات

و أمي قالت افتحوا يابنات

خالتك فاطمة ست كريمة

جايه و جايبه هدية عظيمة

عريس من...... بتوع السيما

عريس انما ايه عليه القيمة

الفرح باين هيدخل بيتنا

والسعد هيعرف بقي سكتنا

ولقينا واحد لابس جينس 

       مقطع 

صابغ شعرة اصفر وازرق

من بتوع مامي و بابي

احنا في وادي وهو في 

وادي

ادي فاطمة وادي هديتها

ياريت ماكنت عرفت بيتنا

امي قالت ايه ده يافاطمة

ده قطم ظهري حتة قطمة

دا عريس ....عاوز يتعلم 

مين قال راجل !!!!

يا سلام........ سلم

فين أخلاقنا وتربيتنا

دا ازاي يدخل بيتنا؟؟

يلا يا بنات كبوا الشربات

ولا في عريس ولا في حفلة

دا قلبي قفل حتة قفلة

عاوزه لبنتي بس راجل 

مش عاوزه فلوس ولا 

بيها يتاجر 

فين الاخلاق بقي يافاطمة

اقفلوا الباب خلاص يابنات

اوعوا تدخل بيتكم خاطبة

دا كل واحدة ليها نصيب

مهما طال زمانها .. قريب 

بكرة اكيد طبعا تفرح

بس يكون عارف ربه

اخلاقه بس اخلاق راجل

يعرف قيمة تربيتنا

هو ده بس يدخل بيتنا