تعرفوا ...عالم الحيوان اللي احنا معتبرينهم أقل منا... و دوننا ...و عايشين بقانون الغاب.. و بياكلوا بعض ووحشين دول... دول حقيقي افضل مليون ضعف من عالم البشر ...!!!
عالم الحيوان الأسد شكلة اسد و معروف صفاته المفترسة...و التعبان منظره تعبان و معروف خطورته ...و الحمل شكله حمل ومعروف وداعته ...مش هتلاقي عصفورة جميلة تيجي تلعب معاها تلدغك و تكتشف انها عقرب .. و لا هتلاقي قطة جميلة و تطلع في الاخر ضبع ...كل حيوان هتلاقيه واضح و صريح و معروف شكله و صفاته و حدودك المسموحة لك معاه ...و انت اللي لو تعدتها.. انت اللي غلطان ولا تلومن الا نفسك ...
اما في عالم البشر الخارقين المفضلين اللي اعلي و اسمي من الحيوانات الوحشين ...أنت هتتعامل انت و حظك ...مش هتكون عارف انت بتتعامل مع مين اصلا ...بمعني ...انت ممكن تتعامل مع انسان ...تلاقيه بصفات التعبان في سميته...و ممكن تلاقيه ضبع في شراسته...أو ذئب مكار في حيله ...رغم أن سمته أنه إنسان ..و شكله انسان ...و بتتعامل وانت مطمئن لانه انسان ...مش متوقع منه يفترسك ...أو يسفك دمك ..أو يمكر ...أو يغدر بيك أو قفنذ يأذيك بشوكه ...او جيفة تإذيك بنتن رائحتها ...ده ممكن تلاقي شيطان بكل صفاته من الخراب و الوسواس ما يبعدش عنك غير وانت في النار ... بس علي هيئة انسان... شياطين الانس المذكورة في الكتب السماوية و اللي احنا مأمورين بالاستعاذة منهم بنفس المقدار زيهم زي شياطين الجن بالظبط ....
ولكن ...مش كل الناس ممكن تقع في الإنسان الحيوان ده ...الناس اللي وصلت بسمو روحها و منزلتها الروحية و انوارها الالهية لدرجة عالية من الفطنة و البصيرة ...ممكن بسهولة ربنا يكشفلها الوجوه دي ...و كما قال رسولنا الكريم اتقوا فراسة المؤمن فإنه يري بنور الله ...!!!
حفظكم الله جميعا من أمثالهم ...
2
-2
