قصه اغاني الشتاء

القصه دي من اجمل قصص المستحيل هي (يوجين) جواها حاجه نقصاها وسط صحابها مش لاقياها
هو (جون سانغ) مالوش صحاب جواه كلام كتير لسه بيدور علي اللي يسمعه ومش لاقيه
شافته صدفه كان عنيد
وهي بين صحابها كان ليها مكان كبير
بقوا اقرب اتنين لبعض وكملوا خلاص الفريق
قلبها دق من اول ماعينها وقعت عليه
وهو لاقي اللي بتدور عليه اللي يفهمه من نظره عنيه
ويقدر من بعيد يحس بيه
حبها ويوم ماقرر يقولها القدر سابقه عندها وعمل حادثه فظيعه نسته كل اللي فات
اتخطبت لواحد حبها بس قلبها كان مش معاه
يوم فرحها شافت شبيه حبيب قلبها اللي فاتها من زمان
بس اسم تاني وشكل تاني
اصل اللي فات كان اكتر من عشر سنين
نسيت انها ملك لواحد حبها وانشغل قلبها بالعهد القديم
يصادف القدر لما بدا يتقربلها وقع تاني في حبها
اتاري في الحادث الاليم
فقد كل اللي كان بيربطه بايام زمان
ولما قرروا يكملوا وقالتله مش هسيبك تاني مني تضيع
حصله نفس الحادث تمام كأن القدر مش عايز يكون معاهم حليف
افتكر كل اللي فات والعهد القديم والوعد الجديد
بس ابتلاه ربنا بمرض خطير
كلم خطبها الي كان وقاله خليك جنبها انا خلاص هكون ماضي دفين
وسابها لحيرتها ياتري ليه عمل كده
بعد ماعلمها ازاي تقرا طريقها بين النجوم
وازاي تعرف الناس من العيون
وساب ذكري ليه تخطيط لقصر جميل
عشان كانوا الاثنين مهندسين
عدت سنين ماتعرفش عنه اي شئ غير جرح
وميت سؤال مرير
بالصدفه يوم !!
تقع في ايدها صوره في جريده عن قصر جميل نفس التصميم القديم
جريت علي المكان اللي فيه ريحه الحب اللي كان
عايزه تعرف اجابه لكل اللي اتسال جواها زمان
ومالوش جواب
حس بيها وهي داخله من البيبان
بس كان لسه القدر مخبي كلام
سكتت من هول اللي اصبح وكان
فقد عيونه بس قلبه لسه كان بيشوف
شافها قلبه قبل عينه
وكان ضحي عشان ماتتعذبش معاه زمان
والقدر المره دي رفض يفرق مابنهم
بعد فراق وعذاب ونسيان وجرح وكتير من الام
هو المره دي كان تعب من الهرب من حبها والقدر
وقالها مش هسيبك مهما ايه حصل وكان
هو ده الحب اللي بدور عليه قصه كده من الخيال
فيها امل بعيد
حد يحس بيه
لو حتي فقد عنيه
يبقي هو عنيا
ربي وحدك انت الوكيل
وانت اعلم بالخير والنصيب
سبت قلبي بين ايديك انت اعلم باللي فيه