مره

 في ناس تتمني تقابلهم في العمر ولو مره
وناس تشوف العمر معاهم اكتر من مليون مره
وناس تفضل تدور عليهم وماتلاقيهومش ولا مره
وناس ياما تتقابل معاهم وتندم انك عرفتهم بالمره
وناس بتوه منك في الدنيا وتقول ماهي مُره
وناس بالاسم بيوصلوك وتقول ياااااااااااااااه دي كانت مره
وناس كماله عدد بتشوفها في اليوم يجي ميت مره
وناس بتضحك وجواهم وجع سنين مُره
وناس مابتتعلمش من الغلط مره
وناس تايهين فيكي يادنيا نفسهم يلاقوا الطريق مره
وناس تصعب عليك وتقول ياريت بايدي احلها مره
وناس ربنا بيطبطب عليهم بس الصبر علي المُره
وناس بالعين يفهموك من المره
وناس العهد بينهم كأنهم اتقابلوا كذا مره
وناس تتمني الحبيب يجمعهم في سجده هناك مره
وناس تحب صحبتهم والجنه مكانتهم وماتقولوش بس مره
وناس شبهك اووووووووووووي ضاعوا منك مره
وناس هتعشق بكره روحك ويمكن تكون دي احلي مره
وناس تحلم تعيش باقي قصتك بيهم قبل ماتكون اخر مره
وناس ماتقدرش تشوفهم غير لما ياذن الرحمن وتكون هي ده المره
وهتفضل تشوف ناس وناس وقلبك لسه هيتعلم في كل مره !!!