يوم ميلادى

زى النهارده... من كام سنه 

كان يوم ميلادى إللى اتولدت فيه انا 

جدى قال لو جه ولد 

ابويا قال .نكتب له ليه نص البلد ؟

 كل البلد 

ده الغالى قبل مايتولد 

من بعد صبرى إللى انجلد

من بعد ظهرى اللى انحنى

جانى الولد .

امى كانت خلفت بنتين لذاذ

حاجه كده تتشاف يادوب جوه الإزاز

قالت و مالهم البنات ؟ 

حنينين 

وحتى لو يتجوزوا دايما عزاز 

لكن الولد هههههه يتفاتلوا ميت مليون بلد

مع انى انا نفسى ف الولد 

يسندنى لما أكبر ويبقالى الدراع 

و ضهر يحمينى ودفِّتى وبردوا الشراع 

ويكون أسد 

شايل هموم باقى البنات

يفضل على طول المدى

 شايل همومنا للأبد 

نسميه على اسم النبى

 احمد

 محمد

 مصطفى

 هوا النبى ده زيُه حد؟ 

ربك هيحسن خلقته

 واحنا نربيه ع الأدب 

ده ماهوش كماله للعدد

ده الغالى لما يتولد 

نكتب له ميييت مليون بلد ...