ياهل الهوا جِتْ لكم فياريت تجاوبونى
كان لى حبيب يا هوا روحى وضيا عيونى
فاتنى جريح القلب طب ليه رحل وإزاى
..........................
اشكى الهوا للهوا والشكوى مش لونى
وادى الكبار ف الهوا مالو ومال لونى
عمرى إللى راح وانطوى مافرقش غير ويَّاى
..........................
ما أنا كنت دايماً سخى وادِّى إللى حرمونى
واللى بلؤايا ارتووا ....بالهجر ذللونى
القسوه ليه قسمتى مزروعه جوا حشاى
.........................
كاس القساوه امتلى وحبايبى ذادونى
عِشْرِة زمان ياهوا زرعى اتحصد... دونى
معرفش من غير سبب تايه بَعِدّ خُطاى
.......................
يااهل الهوا جتلكم قبل الفؤاد ما يمل
العين جافاها النوم والعقل منى ضَل
قولولى اعمل ايه ماقدرش اعيش بعده
.......................
اسرح بفكر حزين ايه أخَّرَك ياخل
دانتا لليلى قمر من غيره مالى ضِل
قطر السنين هيفوت وانا غربتى ف بعده
.......................
يااهل الهوا والحكم ماتقولوا ايه الحل
إزاى تردوا حبيب بُعدُه هَوانى وذل
فرحى انا ومهجتتى وسعادتى من سعدُه
.........................
يااهل الهوا لو يفيد روحوا اسألوه بالله
إزاى لجرحوا طبيب لو يجرحوه الكل
واذاى بيقدر يسيب قلبى يتوه و يضِل
.........................
يرضيك يا حبى الوحيد بعدك اموت م الأه ؟
ليه بعد عشرة سنين ووعود بِصَكْ الدم
راجع بقلب حزين مطعون بسيف من سم
...........................
((قولولى يااهل الهوا القلب كيف ينساه ؟ ))