مش وداع

 لا مش وداع 

    لا مش فراق

       لا مش ضياع

أيام وهتعدى 

والبعد مابيدى 

ولو الزمن ضدى 

 لازم أكون ليكى .

لو دمعى على خدى

  والشوك ملا وردى 

 عنيا من سهدى

 تسهر وتحلم بيكى . 

وهعيش انا تحدى 

يبنى وبين بعدى

 ولو يضيع بعدى 

قلبى إللى دايب فيكى .

صبرك على صبرى

 رح يحسموا أمري

 وهيقسموا قدرى

 وف بكره الاقيكى .

وأشوف كمان قمرى

 يسهر مع سهرى  

والشوق ملا فكرى

 إنى اكون جنبيكى .

    يا حبى يا عمرى

 ليا وعشان خاطري 

بلاش أشوف نهرى

  منبعه عنيكى .

وبلاش كمان تبكى 

ولا ع البعاد تحكى

 ولا م الفراق تشكى

 وانا بكره هرويكى .

واوعى تقولى وداع 

معنى الوداع أوجاع 

لو قلبى منى ضاع

 ماهسيب ف لحظه إديكى .

والعهد دا صاينه 

عمرى ما اكون خاينه 

ولو نسيت روحى

 والله ما ناسيكى .

العهد عهد الله

 لو ألف دمعه وآه 

رب القلوب يرعاه 

خلقوا وما ينساه 

قادر يخلى الفرح 

تانى يعيش جواه .

 والنبض يبقى اسمك 

واحفر كمان رسمك

 على جدران الحياه .

 وارسم كمان صورتك

 ع الننى ف عيونى 

أغطيها بالجفنين 

واحميها ب رموشى .

  ياللى الحياه إنتى 

فرحى وأهآتى إنتى

 كلامى وسكاتى إنتى

  لازم أنا وانتى !

للبعد مانسلم 

ولو الحجر يتكلم 

م الحب نتعلم !

إزاى نصون الود 

والشوق لأبعد حد 

ولو الدموع ع الخد

 لازم لازم أكون ليكى .

والله يا عمرى 

ياشمسى ياقمرى 

ياقسمتى وقدرى

  لو غبتى يوم عنى

 هفضل اناديكى

 وبكل شوق القلب

 ياحبيبتى بهديكى 

كلامى وأشعارى

 ياليلى ونهارى 

يا أحلى أقدارى

 لو غبتى عنى دهر

 رح ترجعى تلاقى

 القلب مستنيكى

 رافع الإدين لله 

ودعيته يراعيكى ......