الرحيل : انتهت بيه الحكايه

انتهت بيه الحكايه
و ياريتنا لقينا بديل
احنا قُلنا م البدايه
يوم فراقنا مستحيل
و أد ما كان كبير هوايا
وصبر قلبى كان طويل
أد ما بيزيد بكايا
لما بفتكر الرحيل
وياريتنا لقينا بديل
...........
كان هوانا جسر عالى
مالوش حدود
جه الرحيل كسر آمالى
و صحَّى دمعات الخدود
إبتدت تدبل قلوبنا
زى أغصان الورود
و إبتدت تشتاق عيوننا
ان يوم نرجع نعود
دا الحب كان صافى
وكان مليان صمود
والقرب كان دافى
وكان مليان وعود
و ابتدت روحنا تروح
للموت وللشرود
و ياريتنا لقينا بديل
.......
مجروحين والله احنا المجروحين
من يوم فُراقنا
مُشتاقين للحب و احنا المشتاقين
من شوقنا دُبنا
ليه يا دنيا تسرقى عمرنا
وحبنا الغالى الجميل
تمشينا سكة فرحنا
من جرحنا
تُهنا ومش لاقيين سبيل
ياريتتا لقينا بديل
.............
يعنى خلاص ؟
يعنى خلاص بقى بيننا جبال البعد ؟
يعنى خلاص ؟
يعنى انتهت القصه مابيننا بسد ؟
مين يا حبيبتى
فرّق بيننا و خان العهد ؟
انا وللا انتى
نسينا الحب قطعنا العهد ؟
أصبح بيننا
بحور
وبحور
الف مدينه
طُرق
و جسور
ياريتنا لقينا بديل