لحظة ما تحس ان حياتك
بقى فيها محطات و فواصل
ف كلامك فرحك واهاتك
فيه فعلا تغيير متواصل
بُنيانك فكرك طموحاتك
نظراتك مش تحصيل حاصل
لا فيه تجديد .
......
بتشم الورده ... ماتقطعهاش
ترويها ان شالله بإحساسك
وعشان الشمس ماتلمسهاش
بتضلل على عودها بإيدك
عمال يتكرر تنهيدك
تتبسم والفكر شريد
...........
بتخاف ع الطير ف السما م الريح
وبتدعى لكل الخلق ميبقاش حد جريح
قلبك بيرفرف م الفرحه ومن غير تصريح
لو شفت البسمه ف عين عيل فرحان وسعيد
ضربات القلب المتسارعه وعماله تزيد
.............
إحساسك عمال يتحول
ف القمره بتسرح و تطول
تتنبه وتعيد م الأول
تكتشف أن الكون ده بحاله
ومن غير مواعيد
.......لكن
عمال بيجهز ف جنابك
وبيصلب ظهرك وركابك
علشان تبقى الحد الأمثل
فتقابل 👈الحب الأول👉