النهاردة عيد ميلاد الحنان.. عيد ميلاد الحب والعطاء اللي مالهوش حدود.. عيد ميلاد الصدق.. عيد ميلاد الإيثار والتضحية..
زي النهاردة اتولدت الشمس.. شمس حياتي..
أمي اللي لما بترمش شمس الكون بتضلم.. أعظم ست وأبرح حضن.. انا حضن أمي أبرح من براح الكون.. النهاردة عيد ميلاد أمي..الست اللي شقيت وتعبت وربت وكبرت وسهرت ولسه بتعمل كل ده حتى بعد مَ كبرنا بتعمله معانا ومع ولاد أخواتي ..الست اللي بتضحك رغم أي ظروف ..اللي بتضم وتلم وتطبطب .. الكائن الوحيد اللي بجد مبعرفش اعبر عنه بالكلام.. ميلاد الوطن والدفا.. أُمي اللي دايما شايفاني بضفيرتين وجيبة صغيرة.. أُمي اللي طول الوقت بتقولي انتي صغيرة ع الحزن.. أُمي اللي دايماً شايفاني حلوة.. حتى في أقبح حالاتي.. أُمي اللي قبل ما ازعل بتقولي مالك.. أُمي اللي طول عمرها عايشالنا أب وأم.. كل لحظة وانتي حياتي والنفس اللي طالع مني.. مش بقدر أبدأ يومي غير لما تكلميني وتقوليلي كفايه نوم اصحي معاكي شغل.. انتي اللي الشمس مبتطلعش غير بضحكتك يامّه.. العمر ليكي والفرحة ليكي والحب كله ليكي وبيكي يامّه..
2
-2
