ولسه النور على السلم بيستناك

ولسه بقَّف استنى خطاك ع الباب

ف ليل الغربه بترجاك

متتأخرشى وتجيلى

عشان عاملالك الاكل اللى بتجبه

متتأخرشى وتجيلى

عشان نقعد انا وانت

اقولك شعر ونحكِّى

ف اول كلمه كاتباها عشان خاطرك

فتسمع مره وتقولى كمان تانى 

عشان بتشوفنى ف مرايتك

انا تانى 

بيصرخ اوله جواك

أنا محبوس بلا مخرج

بلا حريه او افراج

وتضحك تضحك القمره

ويكسى الكون ربيع اخضر

كإن عيونك السمره

غنا بيسكِر

وحضنك لما يحوينى

شموس تقدر

تخبى العتمه ف جرابها

****

وغيب يابا وحستناك

امانه عليك م تتأخر

وخلى اليتم يتاخر

واقولك حاجه م الآخر

مفيش بعدك قصايد شعر

برغم إن القدر غلَّاب

وجاب ويانا م الآخر