من ييجي خمس ست سنين كده القدر كان سبب في اني اتعرف على أعظم عازف سمسمية في البحر الأحمر ويمكن في العالم كله.. 

معلوماتي وقتها عن السمسية كآلة مكانتش واسعة اوي كانت محدودة شويتين لأني مكنتش مهتمة بالموضوع.. من أول مرة شوفت هو ازاي بيعزف بمهارة وبراعة وبساطة في نفس الوقت.. كنت مبهورة بعزفه مش معجبة وبس.. 

السمسية كآلة بنت بيئتها بس صعبة اوي والأصعب انك تبقى محترف عليها بالشكل ده.. 

أحمد سباق اسم مشهور جدا طبعاً في البحر الأحمر كفنان وعازف سمسية بس هو مش بارع في السمسية بس لا وكمان في القانون والعود.. 

 نغم البحر كفرقة قايمة على عواميد واساسات كتير مش عامود واحد.. أحمد أساس الفرقة وقوامتها ومن غيره متمشيش ولا يكون لها اي وجود..

شكراً لوجودك يا أحمد وكل سنة وانت طيب وبخير وإبداع يابو سليم.. 

ربنا يباركلك في بيتك وعيلتك ويحفظهملك.. عيد ميلاد سعيد❤️❤️❤️