النهاردة يومي مكانش ألطف حاجة وبعدين خرجت م الشغل وكنت ماشية ع رجلي ف الشارع والشارع كان زحمة موت ومش ماشي تقريبا وعربيات وكلاكسات والدنيا حر وحاجة في منتهى الفرهدة ف لقيت شاب جميل طلع راسه من عربيته وقالي بصوت عالي جداً " على فكرة انا متابعك" ف انا بصيتله باستغراب وطبعا مش مصدقة يعني هو بيقول إيه ف راح قالي " والله متابع كل بوستاتك وبحب كتاباتك.. انتي كاتبة كبيرة انا عارفك".. ف الناس ابتدت تنتبه وانا ماشية ومكملة في طريقي.. وبعد كام خطوة كده افتكرت كلامه وانبسطت اوي.. حقيقي اسعدني بكلامه بس للاسف من كتر م انا مكنتش مصدقة معرفتش اتجاوب معاه 😂..
عموما انا حابة اشكره جدا واشكر لطفه وجماله وطريقة تعبيره عن اعجابه بكتاباتي..
شكراً لكل الناس اللي بتحاول تعبرلنا عن اي حاجة حلوة فينا 💚💚💚🍀🍀🍀..
2
-2
