Life is short.. stay awake for it..

لما بقعد في البيت "وده مبيحصلش كتير".. ببقى يا اما نايمة يا اما بكتب وفي الغالب نايمة.. ف امبارح كان يوم من ايام النوم بالنسبالي.. وبعد إلحاح شديد من حبيبي أننا ننزل م البيت ونشم هوا نزلنا واخترنا اي كافيه عشوائي نشرب اي حاجة ونحلي بأي حاجة وإذا بي ادخل المكان والاقيهم كاتبينلي "ايوا كاتبينلي م هو كده استقصاد".. 

Life is short.. stay awake for it..

من الاخر كده الحياة قصيرة واصحى ليغفلونا.. 

بغض النظر عن الهري اللي كتبته فوق.. بجد الحياة قصيرة وقصيرة قوي كمان.. الحقوا استمتعوا ببعض لو بتحب حد روح قوله.. اللي مبتحبهوش متغصبش نفسك عليه.. اي حد ييجي على بالك أو تحس أنه وحشك بسرعة اتصل عليه قوله وحشتني.. مش مهم هيرد ازاي.. ولو مش موجود قوله برضو هيحس والله.. واجبروا بخاطر الناس ولو بابتسامة.. والكلمة ثم الكلمة ثم الكلمة ثم الكلمة.. خدوا بالكم بتقولوا ايه.. الكلمة بتموت وبتحيي.. اللي يكلمك في حاجة أو يحكيلك موضوع وهو منفعل ومهتم اهتم بيه.. حتى لو موضوعه تافه بالنسبالك.. أجبر بخاطره متكسرهوش.. 

#الحياة_قصيرة_قوي