ده جواب بخط إيد عبد الرحيم منصور كتبه للموسيقار أحمد منيب وبعتهوله مع مطرب جديد اسمه عادل سعيد.. 

قبل رحيل الشاعر عبد الرحيم منصور بساعات قليلة يوم ٢٧ يوليو بعت جواب مع عادل سعيد وهو مطرب عبد الرحيم كان معجب بصوته وكتبله أغنية تعد آخر كلمات كتبها عبد الرحيم وبعته للموسيقار أحمد منيب.. بس عادل راح لوحده وفي أيده جواب بخط عبد الرحيم كتبله فيه انه مش هيقدر يقابله لأنه هيروح لدكتور الاسنان يخلع ضرسه.. وبيطلب من منيب يهتم بالأغنية اللي مع عادل.. ووعده أنه هيقابله الثلاثاء.. وطبعا متقابلوش بعدها.. 

الأغنية كانت بتقول..

سقفة للغريب

سقفة راجع عن قريب

سقفة للحبيبة

سقفة راجعة للحبيب

سقفة للنصيبة معاندة وابتسم النصيب 

سقفة للإنسان ابو الانسانية

وبالفعل فجر يوم ٢٨ يوليو ١٩٨٤

عاد الحبيب لبلده الحبيبة ووطنه الصغير احتضن ترابها حرفيا ووارى جسده فيها.. وغاب الانسان ابو الانسانية ..

لو المطرب عادل سعيد عايش احب جدا اني اتواصل معاه واشوفه.. 

ارجوكم شيروا كتير يمكن يوصله البوست واعرف اوصله اكيد هيبقى فاكر عبد الرحيم..