صباح الخير يا بابا..

شهور كتير عدت بخاف احسب عددهم.. بس كل يوم بصحى ادور عليك وافضل كده لثواني.. وبعدين افتكر واعيش مع العايشين.. وفي آخر اليوم بندهش أن يوم جديد عدى من غيرك وهيبدأ غيره وبحمد ربنا أنه بيهون الأيام عليا لحد م اجيلك..

صوتك وحشني يا بابا ????.. وحشني تصحيني وتقولي " كل عام وانتم بخير.. السنة اللي جيه نبقى على عرفات".. كنت عاملة خطط لعشرين سنة جايين.. من ضمنهم أننا نروح عرفات سوا انا وانت.. كنت بشتغل ليل نهار.. ولما حد يسألني كنت بقوله نفسي في بيت بجنينة عشان بابا يشرب فيها الشاي ويسرح في الخضرة.. لما بدخل اي محل بقف عند اللبس الرجالي وأشوف المقاس الميديم هييجي مظبوط عليك ولا محتاج أكبر.. وبعدين بفتكر اني مش هشتريلك حاجة تاني خلاص????..

وحشتني يا بابا ووحشني صوتك..

*الفاتحة* *أمانة* على أطيب قلب عدى على الدنيا وأطهر وأصدق انسان❤️????..