عمار يابلدى يا بلد العمار

عمار يا قٌلّة وطبلة وطار

ياليلة كبيرة ف مولد وزار

عمار والعمار اللى ودّع وفارق

مخلّف ف ارضك خطاوى كٌتار

**************************

يا صهد الحنين اللى راسم ملامحك

يا قهر السنين اللى حلفت تسامحك

ياقلبى اللى شالك جراب للغناوى

يا كل اللى شارى 

يا كل اللى غاوى

يا كل اللى صمم وقرر وناوى 

تكونى بطلته ف كل الحكاوى 

يا سهرة وونسه وصحبة قهاوى 

عمار يا حبيبتى يا بت القناوى 

**********************

بكبر ويكبر شبابى العجوز

واشوفك صبية واشوفك فانوس

واشوفك بنيه بتحلم تبوس

وتحلم بزفه وتبقى عروس

بشوفك ف سهمى اللى راشق ف قوس

مطرح م اخطى ومطرح م ادوس

وساقيه بتروى نايات التروس

بشوفك يا حلوه ف كل الحاجات

بشوفك قريبة ف ابعد ساعات

*************************

يا كل اللى شارى 

يا كل اللى غاوى

يا كل اللى صمم وقرر وناوى 

تكونى بطلته ف كل الحكاوى 

يا سهرة وونسه وصحبة قهاوى 

عمار يا حبيبتى يا بت القناوى