عارف لما ربنا يحب يطبطب عليك فيبعتلك ملاك في هيئة بشر.. طب عارف لما تكون الدنيا كلها في عينك اصغر من ثقب الإبرة وفجأة تلاقي نفسك اترميت في حضن ابرح من براح الكون.. 

لما قابلت عليه بعد سنين مشوفتهاش فيها قعدت ابكي كتير وكأني بشيل هموم الدنيا من على قلبي وبرميها في حضنها بدون م اتكلم.. 

عليه عاملة بالظبط زي روحك قبل م تعرف يعني ايه جرح.. روح بريئة ونقية لما تقعد معاها تحس انك قاعد مع نفسك.. 

قعدت معاها متكلمتش بس رجعت البيت وكأني قولت كل اللي جوايا وهي سمعتني.. 

الاحساس نعمة كبيرة.. في ناس بيبقوا عايشين معاك ومش بيحسوا بيك ولا بتعبك "عليه" اول ما شافتني حست بيا.. 

اللي يعرف "عليه" ميشلش هم زعل في حياته..

شكراً لوجودك في حياتي يا لولو.. الحمد لله على نعمة صداقتك وشرف وجودك جنبي.. 

انا محتاجالك يا لولو ومحتاجة لقلب صادق زي قلبك وكلمة حلوة وطيبة زي اللي على لسانك طول الوقت وايد حنينة تطبطب عليا وحضن اترمي فيه وابكي..