حمدي منصور..
الشاعر الكبير العظيم اللي علمني اتكلم بعيني وافهم عيون الناس..
اللي وصى عليا جنون الشعر وحلفهم ميسوبنيش...
اللي اداني من روحه روح ..
كل لحظة وانت ابني البكري .. واول شخص حسسني اني ام.. مكنتش محتاجة العب بعرايس وانا طفلة عشان اشبع احساس الامومة الفطري جوايا عشان كان عندي حمدي .. حمدي منصور ابويا وابني البكري واول طفل كبير اتسند عليا ..واتعكزت عليه.. وعمري ما خذلته.. وعمره ما حسسني اني قليلة.. واني مش هقدر اعمل.. مكنتش بحتاج اتكلم وهو جنبي.. كنت بروحله وانا كلي هموم اقعد جنبه بس.. بقوم حامده ربنا على نعمة وجوده في حياتي.. حمدي لما بيتكلم عني كشاعرة بحس أنه بيتكلم على حد عظيم مش انا خالص.. حمدي ابني اللي عدى م السنين ستين ومكبرشي..
ربنا يخليك ليا وتفضل ابني البكري..وحب عمري.. وأيامي الحلوة.. والشخص الوحيد اللي عمره ما كسر خاطري.. كل حب وانت الحب يا حمدي.. انا موجوعة قوي.. ومافيش حاجة بتداويني ولا بتصبرني.. جوايا نار.. وحاجات مش عارفة اكتب ولا اتكلم عنها بس بدور عليه طول الوقت.. ليل نهار بدور على صوته وحضنه وحشني قوي.. كل تفاصيله وحشتني.. اسمي وهو بيناديه.. دلعه عليا.. ومحايلتي له عشان ياكل ويشرب.. من ساعة م سافر مشربتش شاي زي اللي كنا بنشربه سوا انا وهو.. ولا اكلت زي ما باكل معاه.. ولا نمت.. ٢٣ يوم مبنامش.. ولو عيني غفلت عشر دقايق بحلم اني بدور عليه في كل حته.. واصحى ادور برضو.. جوايا وجع بس.. ومش قادرة اعبر عنه..
---------------
1
-1
