ذكرى. اكتوبر .. ذكرى شخصية ..

ذكرى نصر أكتوبر هي ذكرى شخصية جداً بالنسبالي ومناسبة قريبة جداً جداً من قلبي.. وبستناها كل سنة لأني بحس أنها بتاعتي لوحدي.. بابا الشاعر الكبير حمدي منصور حارب ضد العدو على الجبهة وكان ضمن قوات الجيش الثاني اللي بيواجه العدو بشكل مباشر في الإسماعيلية.. وكتب معظم قصايده وأشعاره على الجبهة تحت ضوء خافت جدا وربما تحت ضوء القمر وأصوات تدريب الجنود ودوي المدافع والرصاص.. 

وعمي الشاعر الكبير عبد الرحيم منصور عمل أعظم أغاني لمصر في الفترة من حرب الاستنزاف لنصر أكتوبر عبد الرحيم كتب أكثر من ٢٢٥ أغنية وطنية.. أم الصابرين وعبرنا الهزيمة وقومي يا مصر وانا ع الربابة بغني ونشيد العبور بسم الله الله اكبر وغيرها كتير جدا جدا جدا.. كل مكان بمشي فيه في الشارع بسمع أغاني عمي أو صوت الجنود وهما بيعبروا ويكبروا او بيتمرنوا قبل الحرب يعني صوت بابا وعمي..

شكراً لكل شخص حب وطنه بصدق وأداها بصدق فعاش وهيعيش معانا باللي سابه سنين كتير اوي.. 

شكراً لكل شخص بيعرف يحب وقادر على العطاء 💚🍀.. 

النهاردة انا متونسة اوي ب بابا وعمي.. أقرب اتنين لقلبي ولروحي💚💚💚.. 

ربنا يرحمهم ويسكنهم فسيح جناته ويرزقهم الفردوس الأعلى وجنات النعيم 💚💚🍀🍀..