حلمنا ف الفصل واحد
حلمنا ف الدرس واحد
رحنا جينا صغار كبرنا
فجأة روح الحلم راحت
بس هو وحلمه غيرنا
كان بيحلم بس بيها
يبقى ليها يخاف عليها
يدعي تحيا وتبقى اكبر
وبإيديه يضرب سلام
في التمام والحلم يكبر
حلمه ابعد م التمام
في المعاد والكلمة ميري
في الوعود والضحكة ميري
وفوق حدود البكرة رابض
كان بيحلم يبقى ظابط
كان صديقي وكنا زملا
في الخريف كان زرعه نابت
جملة شبنا وغبنا جملة
وهو لسه في التمام
اتفابلنا بعد غيبة
ف الجريدة بينعوا اسمه
حضرة الظابط فلان
هو شكله وهو اسمه
هي تدويرة ملامحه
هو حلمه بس كان
كتبوا تحته بخط وطني
انه حياها ف شهادته
وانه شهد من سكات
وانه بعد الحلم مات
مات ولسه في التمام
حضرة الظابط فلان
**********************
مي منصور
#حضرة_الظابط_فلان